एवं मुनिवरैः प्रोक्तं प्रासादानां तु मूर्धनि ।
हाणां गर्भसंयुक्तौ नेत्रभित्तौ तलान्तरे ॥ १५७ ॥
मण्डपे मध्यदेशे तु सभादीनामधोऽम्बुजा(म् ? त्)।
प्रासादवद् विधातव्यं गोपुराणां तु मूर्धनि ।। १५८ ॥
एवं तु विधिना सम्यक् सम्पन्नं सम्पदा पदम्।
येन यत् कर्म चारब्धमादौ तदवसानके ।। १५९ ॥
तेनैव निष्ठितं कर्म श्रीसौभाग्यायु(षे ? रे)धनम् ।
तस्याभावे तु तत्पुत्रः शिष्यो वा तं गुरुं पटे ॥१६०
लिखित्वा तन्नियोगेन सर्वकर्म समाचरेत् ।
अज्ञानात् त्वरितेनापि यद् वस्त्वन्येन भावितम् ॥ १६१॥
करोति स्वामिनं शीघ्रमन्यथेति ह निश्चयः॥
प्रथमं कृतवान् विधिं यथावत्
कृतवानेव करोति निष्ठितान्तम् ।
अथ वा विधिरन्यथा भवेच्चे-
दशुभं स्वामिनमन्यथा करोति ।।१६२ ॥
एवं ग्रीवालङ्कृतं पुष्कराभं
मानं मल्लानां शिखाभूषणं च ।
युक्त्या सर्वेषां करालादिबन्धं
प्रोक्तं सम्यक् चेष्टकाबन्धमूर्चे॥१६३॥
खदिरसरलसालस्तम्बकाशोकवृक्षाः
पनसतिमिसनिम्बाः सप्तपर्णाश्च सर्वे ।