श्रीमानहीनशयने शिशिरे निशायां
दुग्धोदधाविव हरिर्भगवानशेत ॥ १ ॥
योग्यार्थसंघटनकौतुकिनी रसार्द्रा
केनापि भाग्यविभवेन विभाव्यमाना ।
चिन्तापरं तदनु भूपतिमाससाद
माध्वी निसर्गमधुरा कवितेव साध्वी ॥ २ ॥
सा देहभाभिरुपरि प्रविसारिणीभि-
रुल्लोचमम्बरतले न बबन्ध यावत् ।
तावत् स्वतल्पसमतुङ्गमनल्पशिल्प-
मस्यै दिदेश मणिपीठमसौ नरेन्द्रः ॥ ३ ॥
मन्दस्मितार्द्रसुधया स मुहुः क्ष[१]रन्त्या
प्रक्षालयन्निव मुखं विरहानलोष्णम् ।
एनामभाषत परिस्फुर[२]ताघरेण
सन्दर्शयन्निव बहिर्दयितानुरागम् ॥ ४ ॥
का त्वां विना सुतनु ! सम्प्रति मु[३]क्तशोभा
वासस्थली कमलिनीव हृतारविन्दा |
किं तत् कुलं तिलकितं तव जन्मनेति
जिहेमि सौहृदव[४]शादनुयोक्तुमिच्छन् ॥ ५ ॥
देवीत्वमाह तव निश्चलनी[५]लनेत्रं
निष्पन्दषट्पदसरोरुहकान्ति वक्रम् ।
किं कृत्यमस्ति कृतकृत्यधियस्तवेह
वात्सल्यमाश्रितजने विवृणोषि वा त्वम् ॥ ६॥
