|
रुचिरकम्पितकुण्डलमण्डलः सुचिरमीश ! ननर्तिथ पन्नगे । |
रुचिरेति । दैवतयौवते देवस्त्रीसमूहेऽमरताडितदुन्दुभिनुन्दरं यथा तथा वियति दिवि विमानेषु गायति सति पन्नगे तत्फणासु सुचिरं ननर्तिथ ॥ १ ॥
|
नमति यद्यदमुष्य शिरो हरे! परिविहाय तदुन्नतमुन्नतम् । |
नमतीति । अमुष्य फणिनो यद्यच्छिरो भगवत्पदपरिमथिततया नमति, तत्तत् परिविहायोन्नतमुन्नतं तच्छिरः पदपङ्करुहा परिमथन् व्यहरथाः क्रीडितवान् ॥ २ ॥
|
त्वदवभग्नविभुग़फणागणे गलितशोणितशोणितपाथसि । |
त्वदिति । त्वयावभग्नो मर्दितो विभुग्नः कुटिलोऽवाङ्मुखः फणागणो यस्य । गलितेन वान्तेन शोणितेन रक्तेन शोणितमरुणीकृतं पाथो जलं येन । अवसीदति भग्नगात्रे सति तदबला नागपत्न्यः ॥ ३ ॥
|
अयि पुरैव चिराय परिश्रुतत्वदनुभावविलीनह्टदो हि ताः । |
अयीति । पुरा पूर्वमेव चिराय चिरं परिश्रुतेन तवानुभावेन माहात्म्येन विलीनहृदः क्ष्ल[१]थद्धृदयाः अत एव मुनिभिरण्यनवाप्यः पन्थाः सकलनिष्कलरूपार्थयोजनरूपो मार्गो येषु तादृशैः स्तवैरयन्त्रितमनर्गलं नुनुवुस्तुष्टुवुः ॥ ४ ॥
|
फणिवध्गणभक्तिविलोकनप्रविकसत्करुणाकुलचेतसा । |
- ↑ 'यह्ट' क. पाठः
