कामतन्त्रकलावेदी भवेद्विटवरो यथा ॥४॥
आयातः कुमुदेश्वरो विजयते सर्वेश्चरो मारुतो
भृङ्गः स्फूर्जति भैरवो न निकटं प्राणेश्वरो मुञ्चति ।
एते सिद्धरसाः प्रसूनविशिखो वैद्योऽनवद्योत्सवो
मानव्याधिरसौ कृशोदार कथं त्वच्चेतसि स्थास्यति ।।
(इति विदः ।)
संधानप्रचुरश्चेटः कलहंसादिको यथा ।
सा चन्द्रसुन्दरमुखी स च नन्दसून
र्दैवान्निकुञ्जभवनं समुपाजगाम
अत्रान्तरे सहचरतरुणौ कठोरे
पानीयपानकपटेन सरः प्रतस्थे ।।
(इति चेटः।)
विदूषको हास्यकारी विकृताङ्गादिभिर्यथा ॥ ५ ॥
आनीय नीरजमुखीं शयनोपकण्ठ-
मुत्कण्ठितोऽस्मि कुचकञ्चुकिमोचनाय
अत्रान्तरे मुहुरकारि विदूषकेण
प्रातस्तनस्तरुणकुक्कुटकण्ठनादः
(इति विदूषकः ।)
कचचिबुककुचाने पाणिषु व्याहृतेषु
प्रथमजलधिपुत्रीसंगमेऽनङ्गभूमौ
ग्रथितनिबिडनीविग्रन्थिनिर्मुक्तिहेतो-
श्चतुरतरविलासः शार्ङ्गिणो वः पुनातु ।।
इति श्रीकार्णाटकजातीयदूतीकर्मप्रकाशः
