पृष्ठम्:कपीनामुपवासः.pdf/3

श्रीः । कपीनामुपवासः ।

पुरा कदाचित् कपिसार्वभौमः कश्चित्समाहूय जनान् स्वकीयान् । प्रवर्त्य सम्मेलनमात्मनीना- मुवाच वाचं वदतां वरेण्यः ॥ १ ॥

ज्ञातं हि वो वानरवंशवृद्धाः प्राञ्चो यदस्मत्कुलजा महान्तः । शौर्येण वीर्येण च विद्यया च लोकत्रयेऽपि प्रथिता बभूवुः ।। २ ।।

प्रियोपलम्भाय वृतः सहायो यः कोसलेन्द्रस्य कुमारकेण | कस्यात्र लोके विदितो न जन्तोः सुग्रीवनामा स कपिप्रवीरः ॥ ३ ॥