पृष्ठम्:कपीनामुपवासः.pdf/4

२

कपीनामुपवासः

कैलासकम्पप्रथितप्रभावं लङ्केश्वरं यः क्रिमिवच्चकर्ष । निलीय विद्धो रघुनन्दनेन कस्मिन् कुलेऽजायत सैष वाली ॥४ ॥

उदन्वदुल्लङ्घनलब्धवर्णो लङ्कापुरीदाहलसत्प्रतापः । श्रीमान् नवव्याकरणप्रवीणो जज्ञे हनूमान् स च कुत्र वंशे ॥ ८९ ।।

नेिबन्धितोऽब्धौ रघुपुङ्गवेन यस्याख्यया सेतुरिह प्रसिद्धः । आचढ्वमाहो कपिवंशवृद्धाः सोऽयं नलः कुत्र बभूव वंशे ॥ ६ ॥

किमद्य सर्वैर्गणितैर्महद्भि- र्ये नः कुलालंकृतयो बभूवुः । विवक्षितं किञ्चिदिदं वदामि विधाय कर्णे विमृशन्तु सन्तः ॥ ७ ।।