पृष्ठम्:कपीनामुपवासः.pdf/10

८

कपीनामुपवासः

फलानुपातिस्वमनोरथेषु ह्रीयन्तृणान्मौनमभञ्जयत्सु । । सर्वेषु कश्चित् प्रतिलभ्य धैर्यं सर्वाशयं स्वाशयवज्जगाद ।। २८ ॥

प्रकल्पिता सर्वविदा विधात्रा कपोलयोरस्ति हि भस्त्रिका नः । तां पूरयेमाद्य फलैरदुष्टै- र्नास्तां फलान्वेषणसङ्कटं श्वः ।। २९ ।।

तथेत्यथोत्प्लुत्य हरिप्रवीराः शाखोपशाखासु परिभ्रमन्तः । फलैरशुष्कै: परिपाकरम्यै- रपूरयन्नाननकन्दराणि॥ ३० ॥

ततः परं यत् करणीयमत्र न किञ्चिदन्योन्यनिवेद्यमासीत् । तस्माच्चरन्तः कपयो यथेच्छं जह्रुर्लिखन्तीं किल लेखनीं नः ॥ ३५ ।