पृष्ठम्:ऋतुसंहारम् (चन्द्रिकाव्याख्यासमेतम्).djvu/४५

४२

ऋतुसंहारे

न्दरा भ्रूविभ्रमाश्च तनुभिः सूक्ष्मैस्तरंगैर्वीचिभिर्जिता इति लिङ्गवचनविपरिणामेनान्वयः ॥

 श्यामा लताः कुसुमभारनतप्रवालाः
  स्त्रीणां हरन्ति धृ^[१]तभूषणबाहुकान्तिम् ।
 द^[२]न्तावभासविशदस्मितचन्द्र^[३]कान्तिं
  क^[४]ङ्केलिपुष्परु^[५]चिरा न^[६]वमालती च ॥ १८ ॥

 श्यामा इति ॥ कुसुमानां पुष्पाणां भारेण नता नम्राः प्रवालाः पल्लवा यासां तास्तथोक्ताः श्यामाहरिद्वर्णास्तत्र मध्ये याश्च लता व्रतत्यः । 'वल्ली तु व्रततिर्लता' इत्यमरः । स्त्रीणां नारीणां धृतानि भूषणानि यैस्तेषां बाहूनां कान्ति शोभां हरन्त्यपनयन्ति । कङ्केलिपुष्परुचिरा नवमालती नूतनमालिका च दन्तानां रदनानामवभासेन प्रभया विशदं निर्मलं स्मितमेव चन्द्रकान्तिम् । 'रदना दशना दन्ताः' इत्यमरः । हरतीति विभक्तिविपरिणामेनान्वयः ॥

 केशान्नितान्तघननीलविकुञ्चिताग्रा-
  नापूरयन्ति वनिता नवमालतीभिः।
 कर्णेषु च प्र^[७]वरकाञ्चनकु^[८]ड्मलेषु
  नीलोत्पलानि विविधा^[९]नि निवेश^[१०]यन्ति॥१९॥

 केशानिति ॥ वनिता अबला नितान्तमत्यन्तं घनाः

संकीर्णा नीलाः कृष्णवर्णा विकुञ्चिताः कुटिला अत एवाग्राः

---

1. 'भृत.'
2. 'दन्ते विभास.'
3. 'वस्त्रकान्तिम्.
4. 'बन्धूक.'
5. 'रचिता.'
6. 'नवमालिका च'
7. 'प्रचुर'
8. 'कुण्डलेषु'.
9. 'विकचानि.
10. 'निवेशयन्ते.