एतत् पृष्ठम् परिष्कृतम् अस्ति
________________
ईशानशिवगुरुदेवपद्धतौ [मन्त्रपादः
प्लाव्यमानं स्मरन् स्वैक्यं मृत्युञ्जयशिवं स्मरेत् । प्रणवं पद्मयोर्नाले द्वितीयार्णं दलानि च ॥ १२ ॥
अनुलोमविलोमस्य मनोर्मध्ये स्वनाम च । प्रयोजनं चाप्युच्चार्य जपेदिष्टार्थसिद्धये ॥ १३ ॥
तथैव होमे स्वाहान्तं हुत्वष्टं लभते फलम् ।
छिन्नाभिर्मधुराक्ताभिर्हुत्वा मृत्यु निवर्तयेत् ।। ५४ ॥
दूर्वाभिरायुषे तद्वदारोग्यं पायसेन च ।
काष्मर्यसमिधा होमः सर्वरोगहरो भवेत् ॥ १५ ॥ तिलाज्यपायसच्छिन्नाहोमानश्यत्युपद्रवः । पायसक्षीरसिद्धार्थहवनाज्जयमाप्नुयात् ।। १६ ॥
स्तम्भनं बुसराजीभिर्द्वेष निम्बसमिद्दलैः । वैभीतकैस्तथोच्चाट मारणं विषवृक्षजैः ॥ १७ ॥ राजीतैलविषोन्मित्रैः क्षुद्रेषु हवनं मतम् । क्षीराज्यमधुसिक्तं स्यात् शान्तिकेष्वपि पौष्टिके ॥ १८ ॥
वश्याय लोणमधुरैः श्रियै कमलपायसैः ।
जुहुयात् कोटिजाप्येन सर्वान् कामानवाप्नुयात् ॥ १९ ॥ पूजां च कुर्याच्छवोक्तकमात् प्रोक्तशिवासने । स्वाङ्गैर्दारेशलोकेशरस्त्रैश्चावरणैः क्रमात् ॥ २० ॥ चित्रादिमूर्तौ हृदये सूर्यबिम्बेऽथ वा जले ।
उपचारैर्यथाशक्ति यजस्तत्सिद्धिमश्नुते ॥ २१ ॥
भृगुखं शुक्लमग्निस्थं ततो ज्वलनमृत्युभिः ।
नाशनायामिजायान्तो मन्वर्णो मनुरुद्धृतः ॥ २२ ॥
मृत्युजित्संज्ञितोऽस्यापि ऋष्याद्यं पूर्वचोदितम् ।
दक्षिणास्यो जपेदेनं सन्ध्ययोर्मृत्युशान्तये ॥ २३ ॥
कथितत्र्यर्णमन्त्रादिमिमं सप्तदशाक्षरम् ।
जपेत् तु साधनाद्यं च विनियोगेश्च पूर्ववत् ॥ २४ ॥ ... ख. पाठः १. ' ' पाठः.
