पीड्यन्ते सौराष्ट्रककुरुमगधदशार्णमत्स्याश्च ॥
यदि नक्षत्रसन्धौ वा वेलासन्धौ मुनिमतभेदाद्वा मण्डलसंशयो भवति तदैतदुक्तफललक्षणद्वारेण वायुमण्डलनिर्णयं कृत्वा प्रतिविधानमाचरणीयम् ।
तथा च बार्हस्पत्ये ।
प्रकम्तिायां भूमौ चेत् सप्ताहाभ्यन्तरेण तु
अतिप्रचण्डो विपुलो वायुर्वहति दारुणः ॥
शर्करोत्कर्षणश्चापि दिक्षु चैव विदिक्षु च ।
ततैतल्लक्षणोपेते विद्याद्वायुप्रकम्पितम् ॥
तस्मिन् भवति निर्दिशः शौनकस्य वचो यथा ।
शस्त्रैरावरणं कुर्यात् प्राकारं परिखास्तथा ॥
न तथा प्रविशेद्राजा जात्वात्मानं च गोपयेत् ।
संग्रामाश्चात्र विद्यन्ते मरणानि भवन्ति च ॥
राजपुत्रसहस्त्राणां भूमिं पिबति शोणितम् ।
मासं विंशतिरात्रं वा देवस्तत्र न वर्षति ॥
अश्वारूढैः सुसन्नद्धैर्वारणैश्च निरुत्तरम् ।
मासं विंशतिरात्रं वा संग्रामस्तुमुलो भवेत् ॥
द्वाभ्यां गताभ्यां मासाभ्यां परं स्याद्वहुलं जलम् ।
उष्णं दूषयते धान्यं क्षेत्रबन्धं यथाऽधिकम् ॥
सर्वेषामेव कम्पानां गर्हितं वायुकम्पितम् ।
भागवीये च ।
निष्प्रकाशमिवाकाशं भास्करो नातिभास्करः ।
दिशश्च न प्रकाशन्ते दुःखार्त्ता इव योषितः ॥
सद्यो वा मारुता रूक्षा वान्ति शर्करकर्षिणः ।
सप्ताहाभ्यन्तरे कम्पे मारुतेऽतिभयावहे ॥
