क्रमेण पञ्चानां फलं पञ्चकम् । विष्णुधर्मोत्तरे ।
अङ्गिराः श्रीमुखो भावो युवा धाता तथैव च ।
अब्दा जीवयुगे पञ्च तेषामाद्याः शुभास्ततः ॥
वराहसंहितायां तु ।
अद्योऽङ्गिराः श्रीमुखभावसंज्ञौ युवा च धातेति युगे द्वितीये ।
वर्षाणि पञ्चैव यथाक्रमेण त्रोण्यत्र शस्तानि समे परे द्वे ।
त्रिष्वद्भिराद्येषु [३] निकामवर्षी देवो निरातङ्गभयश्च लोकः ।
अब्दद्वयेऽप्येव समा सुवृष्टिः किन्त्वत्र रोगाः समारागमश्च ॥
विष्णुधर्मोत्तरे ।
ईश्वरो बहुधान्यश्च प्रमाथी विक्रमो वृषः ।
शाक्रेऽन्दाः पञ्च निर्दिष्टा येषामद्यौ शुभावहौ ॥
वराहसंहितायां तु ।
शाक्रे युगे पूर्वमथेश्वराख्यं वर्षं द्वितीयं बहुधान्यमाहुः ।
प्रमाथिनं विक्रममप्यतोऽन्यं वृषं च विन्द्याद्गुरुचारयोगात् ॥
आद्यं द्वितीयं च शुभे तु वर्षे कृतानुकारं कुरुतः प्रजानाम् ।
पापः प्रमाथी वृषविक्रमौ च सुभिक्षदौ रोगभयप्रदौ च ॥
कृतानुकारं सत्ययुगसादृश्यम् ।
विष्णुधर्मोत्तरे ।
वर्ही सुभानुस्तरणो वारिदश्च तथा नृपः ।
आग्नेये पञ्च निर्दिष्टा द्वितीयं तेषु शोभनम् ॥
