आर्यम्णं हौतभुजं भाद्रपदामुत्तरां यमेशं च ।
चन्द्रस्य सुतो निघ्नन् प्राणभृतां संक्षयं कुरुते[१]॥
काश्यपस्तु ।
भरणीकृत्तिकार्यम्णमाहिर्बुध्नं च चन्द्रजः ।
धातुद्रव्यविनाशाय धनवार्त्ताँश्च पीडयेत् ॥
निघ्नन्निति सम्बन्धः ।
रेवतीं वारुणं मूलमश्विनीं चैव सोमजः ।
वणिजां जलजानां च तुरङ्गाणां च पीडनम् ॥
निघ्नन् करोतीति सम्बन्धः ।
वराहसंहितायां तु ।
आश्विनवारुणमूलान्यपमृद्गन् रेवतीं च चन्द्रसुतः ।
पण्यभिषग्गोजाविकसलिलजतुरगोपघातकरः ॥
पूर्वाद्यृक्षत्रितयादेकमपीन्दोः सुतोऽभिमृद्गीयात् ।
क्षुच्छस्त्रतस्करामयभयप्रदायी चरन् जगतः ॥
काश्यपस्तु ।
पूर्वाद्यृक्षत्रये सौम्यो भेदं कृत्वा यदि व्रजेत् ।
क्षुच्छस्त्रतस्करभयं करोति प्राणिनां वधम् ॥
पराशरस्तु ।
विशेषस्तु सौम्यादिषड्नक्षत्रचारी सुवृष्टये । श्रविष्ठावारुणयोश्च । दक्षिणतो नैर्ऋतेन्द्रपूर्वासु भयकृत्। अश्विन्यां वणिग्विनाशाय । त्वाष्ट्रे शरच्छस्यानाम्
अथास्य देवलमतेनोदयदिनैर्गतिचतुष्टयं वराहसंहितायाम् ।
ऋज्वतिवाऽवक्ता विकला च मतेन देवलस्यैताः ।
- ↑ धातुसंक्षयकृत् इति अ .।
