अथर्ववेदः/काण्डं ७/सूक्तम् ०७९

by उपरिबभ्रवः।

← सूक्तं ७.०७८

अथर्ववेदः - काण्डं ७ सूक्तं ७.०७९(७.७५) उपरिबभ्रवः।

सूक्तं ७.०८० →

दे. अघ्न्याः। १ त्रिष्टुप्, २ त्र्यवसाना पञ्चपदा भुरिक् पथ्यापङ्क्तिः।

प्रजावतीः सूयवसे रुशन्तीः शुद्धा अपः सुप्रपाणे पिबन्तीः ।
मा व स्तेन ईशत माघशंसः परि वो रुद्रस्य हेतिर्वृणक्तु ॥१॥
पदज्ञा स्थ रमतयः संहिता विश्वनाम्नीः ।
उप मा देवीर्देवेभिरेत ।
इमं गोष्ठमिदं सदो घृतेनास्मान्त्समुक्षत ॥२॥