________________
वैष्णवाप्रिकल्पाधिकारः] पुर्वार्ध चतुर्दशः पटलः । अथ वैष्णवकल्पोऽग्निः कथ्यते तन्त्रचोदितः।
स्नातो घौताङ्घ्रिराचान्तः प्राणानायम्य वाग्यतः ॥ १८ ॥ रेखास्तिस्रोऽथ पूर्वाग्रास्तिस्रश्वोदङ्मुखा लिखेत् ।
द्वादशाक्षरविद्यां तु जपित्वा तु यथाक्रमम् ॥१८५ ॥
निरस्य शकलं धौतपाणिः सम्प्रोक्ष्य विद्यया ।
करदेहाङ्गविन्यासान् कृत्वा तारमनुस्मरन् ॥ १८६ ॥
तत्रावाह्य परां शक्तिं लक्ष्मीमृतुमती स्मरन् ।
स्नातामलङ्कृतां विष्णुं तथैवावाह्य तौ यजेत् ।। १८७ ॥ आरणेयाग्न्यन्यतमं शरावादिस्थितानलम् । आनीतं तारतोऽवोक्ष्य विष्णोर्बीजमनुस्मरन् ॥ १८८ ॥
देव्या योनौ विनिक्षिप्य गर्भं ध्यात्वेन्धनैरमुम् ।
उद्दीप्यविद्यया प्राग्वदद्भिः परिसमूह्य तम् ॥ १८९ ॥
दर्भेषु पात्राण्यासाद्य परिस्तीर्य यथाक्रमम् ।
प्रोक्षणीमद्भिरापूर्य द्वादशाक्षरविद्यया ॥ १९० ॥
तस्यामावाह्य तु हरि तज्जलैः प्रोक्ष्य तान्यथ ।
उत्तानयित्वा पात्राणि विस्रस्येध्मं च वेधसम् ॥ १९१ ॥
दक्षिणे प्राग्वदावाह्य संपूज्योत्तरतः पुनः । प्रणीताः पूरयित्वाद्भिः प्राग्वद् विन्यस्य तत्र तु ॥ १९२ ॥ साङ्गं विष्णुं समावाह्य संपूज्याज्यं निरूप्य तु
श्रपयित्वोत्तरेऽङ्गारे निरभिद्योत्य तं कुशैः ॥ १९३ ॥
त्रिरुत्पूय निधायाने सदर्भौ स्रुक्स्नुवौ पुनः । प्रताप्य क्षालयेत् तारात् परिमृज्यानमग्रतः ॥ १९४ ॥ मध्यं मध्येन मूलं तु मूलेनाग्नौ क्षिपेत् कुशान् ।
परिधीनूर्ध्वसमिधौ प्राग्वद् विन्यस्य विद्यया ॥ १५५॥ परिषिच्येध्ममादाय घृतेनावोक्ष्य तारतः । सकृद्धृत्वा तथाघारौ हुत्वा तु द्वादशाक्षरात् ॥ १९६ ॥ गर्भाधानादिकर्माणि तिलैः प्रत्याहुतित्रयम् ।
हुत्वा प्रणवतस्तस्य पितरौ तौ विसृज्य तु ॥ १९७ ॥
