रुते । न परं पूर्वोक्तगुणविशिष्टो ब्रह्मविदेव, किंतु-यदीयं काव्यं मधुवर्षि अतिसरसत्वादमृतवपि । न परं पूर्वविशेषणविशिष्टोऽतिसरसो महाकविरेव, किंतु-तर्कशास्त्रेष्वपि यस्योक्त्तयः धर्षिताः पराभूताः परे प्रतिवादिनो याभिस्तादृश्यः । तस्य विद्वच्चक्रचूडामणेः श्रीहर्षकवेरियं काव्यरचनारूपा कृतिः कृतिनां सुधियां मुदे आनन्दायाभ्युदीयात् कृतिनामानन्दं कुर्वती सत्याकल्पमतिवृद्धिं प्राप्नुयादित्याशीः । सर्वत्र यच्छब्दनिर्वाहो गुण एव । अभ्युदीयादिति ई गतौ' इत्यस्य रूपम् ॥
सन्तः सन्तु परप्रयोजनकृतः कल्पद्रुमन्तः सदा |
इति श्रीवेदकरोपनामकश्रीमन्नरसिंहपण्डितात्मजनारायणकृते नेषधीयप्रकाशे द्वाविंशः सर्गः समाप्तः॥
समाप्तश्चायं ग्रन्थः॥
शुभम्