अथर्ववेदः/काण्डं ६/सूक्तम् ०६४

by ऋषिः - अथर्वा।

← सूक्तं ६.०६३

अथर्ववेदः - काण्डं ६ सूक्तं ६.०६४ ऋषिः - अथर्वा।

सूक्तं ६.०६५ →

दे. सांमनस्यम्, १ विश्वे देवाः। अनुष्टुप्, ( २ त्रिष्टुप्)।

सं जानीध्वं सं पृच्यध्वं सं वो मनांसि जानताम् ।
देवा भागं यथा पूर्वे संजानाना उपासते ॥१॥
समानो मन्त्रः समितिः समानी समानं व्रतं सह चित्तमेषाम् ।
समानेन वो हविषा जुहोमि समानं चेतो अभिसंविशध्वम् ॥२॥
समानी व आकूतिः समाना हृदयानि वः ।
समानमस्तु वो मनः यथा वः सुसहासति ॥३॥