षाप्रति नान्दीमुखानुरोधेनावश्यकर्तव्यता विहिता तान्प्रत्येवापकर्षविधावपि शब्दसामञ्जस्यात् । सपिण्डीकरणस्य सत्यपि प्रेतश्राद्धत्व आहिताग्न्यादिविषयत्वेन व्यवस्थापितत्रिपक्षादिकालबाधेनाप्यपकर्षसिद्ध्यर्थं पृथग्ग्रहणम् ।
|
"सपिण्डीकरणादर्वागपकृष्य कृतानि तु । |
इति शाट्यायनिवचोऽपि तावत्पुरुषविषयमेव पुनरपीत्युक्तेस्तान्प्रत्येव संभवादिति कौस्तुभे ।
ज्वरितस्य यावत्स्वास्थ्यं मङ्गलं न कार्यम् ।
तथा च गर्गः--
|
"ज्वरस्योत्पादनं यस्य शुभं तस्य न कारयेत् । |
कस्यचित्कुलजस्य शरीरेऽतिदारुणज्वरोत्पत्तौ निश्चयोऽपि न कार्यः ।
तथा च स एव--
|
"केचिदूचुर्गृहस्थस्य कस्यचिद्दारुणो ज्वरः । |
इति प्रतिकूलविधिः ।
अथ रजोदोषनिर्णयः ।
माधवीये--
|
"प्रारम्भात्प्राग्विवाहस्य माता यदि रजस्वला । |
तस्य रजोदोषस्य निवृत्तिः कर्तव्या कर्मार्थं शुद्धिः प्रतीक्षणीयेत्यर्थः । विवाहारम्भात्प्राग्यदि माता रजस्वला भवेत्तदा तस्याः शुद्धौ सत्यामेव विवाहः कर्तव्यो न तु तां परित्यज्येति तात्पर्यार्थः । अत्र हेतुमाह-- सहत्वश्रुतिचोदनादिति । यद्यप्यत्र सामान्यतो निवृत्तिस्तस्य कर्तव्येत्युक्त्या चतुर्थदिवसे रजोनिवृत्तौ सत्यां चतुर्थदिनेऽपि विवाहः कर्तव्य इति प्राप्तं तथाऽपि--
|
"दैवे कर्मणि पित्र्ये च पञ्चमेऽहनि शुध्यति" । |
इति वचनेन पञ्चमदिन एव सर्वकर्माधिकारस्योक्तत्वात्तद्दिनमारभ्यैव विवाहेऽधिकारो न[१] तु चतुर्थदिनमारभ्यापीति ज्ञेयम् ।
- ↑ क. न च ।
