अथर्ववेदः/काण्डं ६/सूक्तम् ०३७
| ← सूक्तं ६.०३६ | अथर्ववेदः - काण्डं ६ सूक्तं ६.०३७ ऋषिः - अथर्वा (स्वस्त्ययनकामः) |
सूक्तं ६.०३८ → |
| दे. चन्द्रमाः। अनुष्टुप् |
उप प्रागात्सहस्राक्षो युक्त्वा शपथो रथम् ।
शप्तारमन्विच्छन् मम वृक इवाविमतो गृहम् ॥१॥
परि णो वृङ्ग्धि शपथ ह्रदमग्निरिवा दहन् ।
शप्तारमत्र नो जहि दिवो वृक्षमिवाशनिः ॥२॥
यो नः शपादशपतः शपतो यश्च नः शपात्।
शुने पेष्ट्रमिवावक्षामं तं प्रत्यस्यामि मृत्यवे ॥३॥