निर्गुणब्रह्मणः सम्यगुपासीनस्य इह वा अस्मिन् जन्मनि परत्र मरणे वा अथवा ब्रह्मलोके वा ब्रह्मसाक्षात्कृतिः ब्रह्मापरोक्षज्ञानं अवश्यं भवेत् ॥ १५०॥
आत्मतत्वविचाराक्षमस्योपासनेऽधिकार इत्यादि आत्मगीतायामुदाहृतमित्याह, अर्थ इति ।
|
अर्थोऽयमात्मगीतायामपि स्पष्टमुदीरितः । |
स्पष्टोऽर्थ: ॥१५१॥
तानि वाक्यान्युदाहरति, साक्षादिति ।
|
साक्षात्कर्तुमशक्तोऽपि चिन्तयेन्मामशंकितः । |
मां परमात्माभिन्न निर्गुणत्वेन साक्षात्कर्तुमशक्तोऽपि अशंकितः वीतसंदेहस्सन् चिन्तयेत् निष्कामतया मम निर्गुणस्त्ररूपं मनस्युपासीत । किं तेन ? चिरकालचिन्तनेन कालेन गच्छता काले परिपाके सति अनुभवारूढः निरन्तराभ्यासानुभवेन चिन्तकस्य मनसि सम्यगारूढः संस्थापितः फलितो भवेयमिति ध्रुवम् ॥ १५२॥
ध्यानस्य सम्यग्ज्ञानसंपादने व्यतिरेकदृष्टान्तमाह, यथेति ।
|
यथाऽगाथनिधेर्लब्धौ नोपायः खननं विना । |
स्पष्टोऽर्थः ॥१५३ ॥
अगाथनिध्युदाहरणमन्वयमुखेन दर्शयति, देहेति ।
|
देहोपलमपाकृत्य बुद्धिकुद्दालकात्पुनः । |
पुनः पुनः बुद्धिकृद्दाळकात् बुद्धिरेव कुद्दालकं खननसाधनविशेषः तस्मा-
