अथर्ववेदः/काण्डं ६/सूक्तम् १४२

by विश्वामित्रः

← सूक्तं ६.१४१

अथर्ववेदः - काण्डं ६ सूक्तं ६.१४२ विश्वामित्रः

दे. वायुः । अनुष्टुप् ।

उच्छ्रयस्व बहुर्भव स्वेन महसा यव ।
मृणीहि विश्वा पात्राणि मा त्वा दिव्याशनिर्वधीत्॥१॥
आशृण्वन्तं यवं देवं यत्र त्वाच्छावदामसि ।
तदुच्छ्रयस्व द्यौरिव समुद्र इवैध्यक्षितः ॥२॥
अक्षितास्त उपसदोऽक्षिताः सन्तु राशयः ।
पृणन्तो अक्षिताः सन्त्वत्तारः सन्त्वक्षिताः ॥३॥