मामाश्रितस्य मम च पापं राजपुरोधसः ।
यथा सिद्ध्यति तन्मे वं वद लोकपितामह !' ॥ २६
श्रीसूतः
'ब्रह्मा तदाऽब्रवीदेनं वसिष्ठं मुनिसत्तमम् ।
प्रायश्चित्तापनोद्यानि पापानीत्यवधारय' ॥ २७
वसिष्ठः
मुनिर्ब्रह्माणमवदत् 'स्वामिंस्तच्छृणु साम्प्रतम् ।
मम तस्य च पपानि घनानि बहुलानि च ॥ २८
प्रायश्चित्तैर्न नश्यन्ति तस्मात्त्वामागतोऽस्म्यहम् ।
नमस्करोमि धर्मात्मन् ! त्वामेव शरणं गतः ॥ २९
आवयोरल्पयत्नेन नश्यन्ते पापराशयः
येन दृष्टं फलञ्च स्यात् तमुपायं वदस्व मे' ॥ ३०
ब्रह्मऽ...या श्रीवेङ्कटाचलं प्रति वसिष्ठाद्यागमनम्
सूतः
इति पृष्टस्ततो ब्रह्मा विचार्य हृदये हरिम् ।
वेङ्कटेशं नमस्कृत्य वसिष्ठमिदमब्रवीत् ॥ ३१
ब्रह्मा-
काश्या दक्षिणदेशे वै कश्चिदस्ति महीधरः ।
वेङ्कटाद्रिरिति ख्यातो विश्वलोकैकसम्मतः ॥ ३२
श्रीवेङ्कटेति यन्नाम मर्त्यो वाचा वदन्नपि ।
देवानां वन्दनीयत्वं याति तादृङ् महीधरः ॥ ३३
तत्र तीर्थानि सर्वाणि सर्वपापहराणि च ।
षट्षष्टिकोटितीर्थानि विद्यन्ते वेङ्कटाचले ॥ ३४