गणितसारसङ्ग्रहः
गणितशास्त्रप्रशंसा।
लौकिके वैदिके वापि तथा सामायिकेऽपि यः।
व्यापारस्तत्र सर्वत्र सङ्ख्यानमुपयुज्यते ॥ ९ ॥
कामतन्त्रेऽर्थशास्त्रे च गान्धर्वे नाटकेऽपि वा।
सूपशास्त्रे तथा वैद्ये वास्तुविद्यादिवस्तुषु ॥ १० ॥
छन्दोऽलङ्कारकाव्येषु तर्कव्याकरणादिषु ।
कलागुणेषु सर्वेषु प्रस्तुतं गणितं परम् ॥ ११ ॥
सूर्यादिग्रहचारेषु ग्रहणे प्रहसंयुतौ ।
त्रिप्रश्ने चन्द्रवृत्तौ च सर्वत्रङ्गीकृतं हि तत् ।। १२ ॥
द्वीपसागरशैलानां सङ्ख्याव्यासपरिक्षिपः।
भवनव्यन्तरज्योतिर्लोककल्पार्थिवासिनाम् ॥ १३ ॥
नारकाणां च सर्वेषां श्रेणीबन्धेन्द्रकोत्कराः ।
प्रकीर्णकप्रमाणाद्या बुध्यन्ते गणितेन ते ॥ १४ ॥
प्राणिनां तत्र संस्थानमायुरष्टगुणादयः।
यात्राद्यास्संहिताद्याश्च सर्वे ते गणिताश्रयाः ॥ १५ ॥
बहुभिर्विप्रलापैः किं त्रैलोक्ये सचराचरे ।
यत्किचिद्वस्तु तत्सर्वं गणितेन विना न हि ॥ १६ ॥
तीर्थकृद्भ्यः कृतार्थेभ्यः पूज्येभ्यो जगदीश्वरैः।
तेषां शिष्यप्रशिष्येभ्यः प्रसिद्धाद्गुरुपर्वतः ॥ १७ ॥
जलधेरिव रत्नानि पाषाणादिव काञ्चनम्।
शुक्तेर्मुक्ताफलानीव सङ्ख्याज्ञान महोदधे ॥ १८ ॥
- M स्यात् ; B चापि.
A B च.
- M and B दण्डा°.
5 M and B पुरा. 3 K and M महा' ७ K a nन'M क्षिपाः
K and P मव for ज्ञान. 8 M 1 K, M and B वदे°.
