एतत् पृष्ठम् परिष्कृतम् अस्ति
६६ सर्गः]
83
प्रतीक्षन्ते स्म ते सर्वे भरतांगमनं द्रुतम्
त्वया तेन च वीरेण विना व्यसनमोहिताः ।
कथं वयं निवत्स्यामः कैकेय्या च विदूषिताः ॥ २१ ॥
विदूषिता इति । राज्यगर्वात् तिरस्कृता इति यावत् ॥२१॥
यया तु राजा रामश्च लक्ष्मणश्च महाबलः ।
सीतया सह संत्यक्ताः सा कमन्यं न हास्यति ॥ २२ ॥
ता बाष्पेण च संवीताः शोकेन विपुलेन च ।
व्यवेष्टन्त निरानन्दाः राघवस्य वरस्त्रियः ॥ २३ ॥
निशा [१]चन्द्रविहीनेव स्त्रीव भर्तृविवर्जिता
पुरी नाराजतायोध्या हीना राज्ञा महात्मना ॥ २४ ॥
बाष्पपर्याकुलजना हाहाभूतकुलाङ्गना ।
शून्यचत्वरवेश्मान्ता न बभ्राज [२] यथापुरम् ॥ २५ ॥
शून्यचत्वरेति । सम्मार्जनालेपनबल्यादिशून्येति यावत् ॥
निवृत्तचारः - निवृत्तरश्मिप्रचार इति यावत् ॥ २६ ॥
[६]ऋते तु पुत्रात् दहनं महीपतेः
न रोचयन्ते सुहृदः समागताः ।