दूषणाश्रयबलेन निर्भया:- भयरहिताः || ३२ ।।
शूलमुद्गरहस्ताश्च चापहस्ता महाबलाः ।
सृजन्तः शरवर्षाणि शस्त्रवर्षाणि संयुगे || ३३ ॥
दुमवर्षाणि मुञ्चन्तः शिलावर्षाणि राक्षसाः ।
तद्धभूवाद्भुतं युद्धं तुमुलं रोमहर्षणम् ॥ ३४ ॥
रामस्य च महाघोरं पुनस्तेषां च रक्षसाम् ।
ते समन्तादभिक्रुद्धाः राघवं [३]पुनरभ्ययुः ॥ ३५ ॥
तैश्च सर्वा दिशो दृष्ट्वा प्रदिशश्च समावृताः ।
राक्षसैः उद्यतप्रासैः शरवर्षाभिवर्षिभिः ।। ३६ ।।
स कृत्वा भैरवं नादं अस्त्र परमभास्वरम् ।
संयोजयत गान्धर्व राक्षसेषु महाबलः ॥ ३७॥
सर्वाः दिश: प्रदिशश्च समावृताः दृष्ट्वा स रामः भैरवं नादं कृत्वा, सर्वतो रक्षोभिः शरवर्षाभिवर्षिभिः आवृतत्वात् कालोचितं परम- मास्वरं गान्धर्वमस्त्रं राक्षसेषु विषये संयोजयत-समयोजयत् धनुषीत्यर्थः ।।
ततः शरसहस्राणि निर्ययुः चापमण्डलात्
सर्वा दश दिशो बाणैः[४] आवार्यन्त समागतैः ।। ३८ ।।
