एतत् पृष्ठम् परिष्कृतम् अस्ति
११९
श्रीमदभिनवगुप्ताचार्यकृतव्याख्योपेता
नुग्रहात् बोधिता म[१]न्त्रतदीशादिभावभागिनो भवन्ति, इति तत्रैवोक्तं
'विज्ञानकेवलानष्टौ बोधयामास पुद्गलान् ।' |
इत्यादिना,
'मन्त्रमहेश्वरेशत्वे संनियोज्य.............…..' |
इत्यादिना च । केषुचित्तु शास्त्रेषु सा महामाया भेदमलाभावोपचारात् विद्यातत्त्वशेषतयैव निर्णीयते, क्वचित् पुनरज्ञानमलसद्भावोपरोधात् मायातत्त्वपुच्छतया, यथा केषुचित् शास्त्रेषु 'रागतत्त्वं पुंस्येव लग्नम्' इति न पृथक् परामृष्टम् , यथा वा इहैव श्रीत्रिकागमेषु नियतिकालौ न पृथक् निरूपितौ, अत्र मते विद्याद्यनाश्रितशिवान्तं ब्रह्मपञ्चकं, निर्णेष्यते च एतत् , एषां च तत्त्वानां बृहत्त्वं बृहकत्वं च प्रायो भेदसमुत्तीर्णत्वात् संसारसूतिकर्तृत्वात् च, एवमेतानि
पं० १४ व० पु० भेदोत्तीर्णत्वादिति पाठः ।
- ↑ उक्तं हि अन्यत्र
'मत्रत्वमेति संबोधादनन्तेशेन कल्पितात् ।'
इति ।