एतत् पृष्ठम् परिष्कृतम् अस्ति
150
शङ्करविजये
मधुव्रतानां परिपूर्णमेव त-
द्व्रतं यदेषां मधुपानसंज्ञितम् ।
नानाविधे पुष्परसे सहोदिते
बभूव तेषामपि चञ्चलं मनः ॥ ४७ ॥
1असना व्यसनाय केवलं
परितापाय विश्वासिमाधवी ।
मधुरा मधुलेहिगीतिका
विपरीता समजायताध्वगे ॥ ४८ ॥
मन्दो वायुः कूजितं कोकिलानां
गीती रम्या षट्पदानां मदेन ।
पौष्पो गन्धस्सन्निधिश्चाङ्गनानां
चित्तं सर्वं सञ्जहाराशु पुंसाम् ॥ ४९ ॥
उपचितसुरभिश्रियं प्रपश्यन्
वसति 2सुताभिरातिं विहाय शीघ्रम् ।
कतिपयदिवसस्थितिं दुरापां
युवतिजनो युवभिर्वनं विवेश ॥ ५० ॥
अपचिचीषुरगात् युवभिस्समं
सुरभिपुष्पतरून् सुमनश्चयम् ।
स्तनभरानमितः कृशमध्यमो
विकासिताव्जमुखो वनितागणः ॥ ५१ ॥
पुष्पं लुनाना कमितारमेका
जग्राह भीतेव मधुव्रतालेः ।
अन्या परागः पतितो ममाक्ष्णी-
त्येवं ब्रुवाणा पतिमाससाद ॥ ५२ ॥
1अ. असनं । 2सुतादिरर्ति ।
