गृहीतं येनासीः परिभवभयान्नोचितमपि |
( इत्युत्सृजति । )
( नेपथ्ये । )
भो भो राजानः ! कथमिह भवन्तः सर्वे गुरोर्भारद्वाजस्य परिभवममुना नृशंसेन प्रयुक्तमुपेक्षन्ते ? ।
अश्वत्थामा--( आकर्ण्य । सक्रोधं शनैः शस्त्रं स्पृशन् । ) किं गुरोर्भारद्वाजस्य परिभवः ? ।
( पुनर्नेपथ्ये । )
आचार्यस्य त्रिभुवनगुरोर्न्यस्तशस्त्रस्य शोकाद्- |
( सक्रोधं सकम्पं च कृपसूतौ दृष्ट्वा । ) किं नामेदम् ?
प्रत्यक्षमात्तधनुषां मनुजेश्वराणां |
कृपः--वत्म ! एवं किल जनः कथयति ।
अश्वत्थामा--किं तातस्य दुरात्मना परिमृष्टमभूच्छिरः ? ।
सूतः--( सभयम् । ) कुमार ! आसीदयं तस्य तेजोराशेर्देवस्य नवः परिभवावतारः ।
अश्वत्थामा--हा तात ! हा पुत्रप्रिय ! मम मन्दभागधेयस्य कृते शस्त्रपरित्यागात्तथाविधेन क्षुद्रेणात्मा परिभावितः । अथवा