एतत् पृष्ठम् परिष्कृतम् अस्ति
श्रीगणेशाय नमः
सकलगरणकसार्वभौम-सर्वतन्त्रस्वतन्त्र-ग्रहादिवेधविधिज्ञ-श्रीब्रह्मगुप्ताचार्यप्रणीतः
- ब्राह्मस्फुटसिद्धान्तः
विज्ञानभाष्योपपत्त्या तद्विन्द्यनुवचनिया च सहितः
- मध्यमाधिकारः
तत्रादौ सकलगणकसार्वभौमः सर्वतन्त्रापरतन्त्रोऽद्वितीयो ग्रहादिवेधविधिज्ञो ब्रह्मगुप्ताचार्यो निर्विघ्नग्रन्थपरिसमाप्तये स्वेष्टदेमहादेवानुस्मरणरूपं मङ्गलाचररणमातनोति ।
- जयति प्रणतसुरासुरमौलिगरत्नप्रभाच्छुरितपादः ।
- कर्ता जगदुत्पत्तिस्थितिविलयानां महादेवः ॥ १ ॥
अथ भाष्यकृद मङ्गलं परामृशति
- यद्दन्तोदन्तलक्ष्मीं दशसु विकरितुं दिक्षु सोमार्कतारा-
- सारा स्फारप्रसारा अनुकलमुदयं यान्ति बिभ्राजमानाः ।
- विघ्नक्षोणोध्रपक्षक्षपणाविममुं मङ्गलोदश्चिताङ्घ्रि-
- न्यासं सिन्दूरभासं विनयविरचनैर्मन्महे सिन्धुरास्यम् ॥ १ ॥
- सूर्याब्जारबुधेन्द्रवन्द्यभृगुजच्छायासुतान् खेचरान्
- वाग्देवीं च निधाय चेतसि मुदा रामस्वरूपो बुधः ।
- ब्राह्मग्रन्थपयोधिलङ्घनचकीर्षूणां कृते सश्रमं
- सेवायामुपदीकरोति सुधियां विज्ञानभाष्यप्लवम् ॥ २ ॥
- आर्यब्रह्मवराहभास्करमुखास्त्रिकन्धविद्याचणा
- भट्टः श्रीकमलाकरोऽथ विबुधौ श्रीसेनलल्लाभिघौ ।
- भूपेन्द्रो जयसिंहनामभृदसौ यो यन्त्रशिल्पी नव-
- स्ते चान्येऽपि मुनीश्वरप्रभृतयः श्रद्धास्पदं नः परम् ॥ ३ ॥
