केरलोदयः - स्वप्नमञ्जरी - प्रथमः सर्गः
५-प्रससार न चोन्मेषो जडात्मनि तदात्मनि।
कांस्यपात्रे जलापूर्णे कराघातध्वनिर्यथा।।
६ अथैकदा विधिं प्राप्य कुठारैकसहायकः।
रामो व्यजिञ्ञपत् बाष्पश्वाससंभिन्नया गिरा।।
७-पारयामि न संवोढुमिमामसुविघातिनीम्।
एकान्ततामयि विभो कण्ठबद्धां शिलामिव ।।
८-परागचयनैकान्त-सुखोद्यमपरोऽनिलः।
सदा ममाश्रमद्वारमस्पृशन्नेव गच्छति ।।
९-गाने प्रवृत्तसन्धाने प्रतिष्टब्धगलैर्विधे ।
पत्रिभिः स्थीयतेऽकस्मान्निश्चलं प्रतिमासमैः।।