अथर्ववेदः/काण्डं ६/सूक्तम् ०२७

by ऋषिः - भृगुः।

← सूक्तं ६.०२६

अथर्ववेदः - काण्डं ६ सूक्तं ६.०२७ ऋषिः - भृगुः।

सूक्तं ६.०२८ →

दे. यमः, निर्ऋतिः। जगती, २ त्रिष्टुप्।

देवाः कपोत इषितो यदिच्छन् दूतो निर्ऋत्या इदमाजगाम ।
तस्मा अर्चाम कृणवाम निष्कृतिं शं नो अस्तु द्विपदे शं चतुष्पदे ॥१॥
शिवः कपोत इषितो नो अस्त्वनागा देवाः शकुनो गृहं नः ।
अग्निर्हि विप्रो जुषतां हविर्नः परि हेतिः पक्षिणी नो वृणक्तु ॥२॥
हेतिः पक्षिणी न दभात्यस्मान् आष्ट्री पदं कृणुते अग्निधाने ।
शिवो गोभ्य उत पुरुषेभ्यो नो अस्तु मा नो देवा इह हिंसीत्कपोत ॥३॥