पिङ्गलछन्दःसूत्रम्/सप्तमोऽध्यायः
| ← अध्यायः ६ | पिङ्गलछन्दःसूत्रम् अध्यायः ७ |
अध्यायः ८ → |
प्रहर्षिणी म्नौ ज्रौग् त्रिक दशकौ । ७.१ ।
रुचिरा ज्भौस्जौग् समुद्रनवकौ । ७.२ ।
मत्तमयूरा म्तौ य्सौग् । ७.३ ।
असम्बाधा म्तौ न्सौ गाविन्द्रिय नवकौ । ७.४ ।
अपराजिता नौर्सौ ल्गौ स्वर ऋषयः । ७.५ ।
प्रहरणकलिता नौ भ्नौ ल्गौ च । ७.६ ।
वसन्ततिलका द्भौ जौ गौ । ७.७ ।
सिंहोन्नता काश्यपस्य । ७.८ ।
उद्धर्षिणी सैतवस्य । ७.९ ।
चन्द्रावर्ता नौनौस् । ७.१० ।
मालर्तुनवकौ चेत् । ७.११ ।
मणिगुणनिकरो वस्वृषयः । ७.१२ ।
मालिनी नौम्यौय् च । ७.१३ ।
ऋषभगजविलसितं भ्रौनौन्गौ स्वर नवकौ । ७.१४ ।
हरिणी न्सौम्रौस्लौग् रस समुद्र ऋषयः । ७.१५ ।
पृथ्वी ज्सौ ज्सौ य्लौग् वसु नवकौ । ७.१६ ।
वंशपत्रपतितं भ्रौ न्भौ न्लौग् दिगृषयः । ७.१७ ।
मन्दाक्रान्ता म्भौ न्तौ द्गौग् समुद्रर्तु स्वराः । ७.१८ ।
शिखरिणी य्मौभ्लौगृतु रुद्राः । ७.१९ ।
कुसुमितलतावेल्लिता म्तौ न्यौ याविन्द्रियर्तु स्वराः।। । ७.२० ।
शार्दूलविक्रीडितं म्सौ ज्सौ तौगादित्य ऋषयः । ७.२१ ।
सुवदना म्नौ भ्नौ य्भौ ल्गौ स्वर ऋषि रसाः । ७.२२ ।
ग्लिति वृत्तम् । ७.२३ ।
स्रग्धरा म्रौ भ्नौ यौय् त्रिस्सप्तकाः । ७.२४ ।
मद्रकं भ्रौन्रौ न्रौन्गौ दिगादित्याः । ७.२५ ।
अश्वललितं न्जौ भ्जौ भ्जौ भ्लौग्रुद्रादित्याः । ७.२६ ।
मत्ताक्रीडा मौत्नौ नौन्लौग्वसु पञ्चदशकौ । ७.२७ ।
तन्वी भ्तौन्सौ भौन्यौ द्विरादित्याः । ७.२८ ।
क्रौञ्चपदा भ्मौस्भौ नौनौग्भूतेन्द्रिय वस्वृषयः । ७.२९ ।
भुजङ्गविजृम्भितं मौत्नौनौ र्सौ ल्गौ वसु रुद्र ऋषयः । ७.३० ।
अपवाहको म्नौनौनौ न्सौगौ नवकर्तु रसेन्द्रियाणि । ७.३१ ।
दण्डको नौरः । ७.३२ ।
प्रथमश्चण्डवृष्टिप्रयातः । ७.३३ ।
अन्यत्रारातमाण्डव्याभ्याम् । ७.३४ ।
शेषः प्रचित इति।। । ७.३५ ।