अथर्ववेदः/काण्डं ६/सूक्तम् १०१

by ऋषिः - अथर्वाङ्गिराः।

← सूक्तं ६.१००

अथर्ववेदः - काण्डं ६ सूक्तं ६.१०१ ऋषिः - अथर्वाङ्गिराः।

सूक्तं ६.१०२ →

दे. ब्रह्मणस्पतिः। अनुष्टुप्

आ वृषायस्व श्वसिहि वर्धस्व प्रथयस्व च ।
यथाङ्गं वर्धतां शेपस्तेन योषितमिज्जहि ॥१॥
येन कृषं वाजयन्ति येन हिन्वन्त्यातुरम् ।
तेनास्य ब्रह्मणस्पते धनुरिवा तानया पसः ॥२॥
आहं तनोमि ते पसो अधि ज्यामिव धन्वनि ।
क्रमस्व ऋष इव रोहितमनवग्लायता सदा ॥३॥