|
गोदाने सूर्यनामाऽग्निर्विवाहे योजकः स्मृतः । |
यद्यप्येतद्वचनस्य नामज्ञानमात्रपरतैवावगम्यते तथाऽपि--
|
"तत्तन्नाम्ना हविर्भुजं स्थापयेत्" । |
इति संग्रहादिवचने नामाकाङ्क्षापूरणस्याऽऽवश्यकत्वादाकाङ्क्षापूरकस्य शास्त्रान्तरस्य चाभावादेतस्य तदर्थताऽपि द्रष्टव्या । स्थापनं तु प्रणवान्ताभिर्व्याहृतिभिः कार्यम् ।
पुनराधेये--"भूर्भुवः सुवरो[३]मित्यग्निं प्रतिष्ठाप्य" इति दर्शनात् । "भूर्भुवः सुवरो[४]मित्याग्निं प्रतिष्ठापयति" इति भरद्वाजोक्तेश्च । एतच्च प्रणवान्तत्वमुदाहृतस्मृतिसारवक्ष्यमाणबौधायनवचनोक्तकेवलव्याहृतिविधानेन विकल्प(ल्प्य)ते । उद्धननाद्यग्निप्रतिष्ठापनान्तं यत्र यत्र "अग्निमुपसमाधाय" इति सूत्रकृद्वदति तत्र । यत्र न वदति तत्र[५] स्वस्थानेऽवस्थिते परिस्तरणादिविधिनैव का[६]र्यम् । अग्निप्रज्वलनमुपसमाधानं सिद्धानुवादमेके मन्यन्ते तेषामौपास[७]ने कर्तव्यानां समिन्धनादि, इतरत्रोद्धननादीति द्रष्टव्यम् । एतन्मतमेव युक्तम् "दक्षिणाग्निमुपसमाधाय"
