एकात्मतामन्तः
यं वैदिकामन्त्रदृशः पुराणाः
इन्द्रं यमं मातरिश्वानमाहुः।
वेदान्तिनोऽनिर्वचनीयमेकम्
यं ब्रह्मशब्देन विनिर्दिशन्ति ॥
शैवा यमीशं शिव इत्यवोचन्
यं वैष्णवा विष्णुरिति स्तुवन्ति ।
बुद्धस्तथार्हन्निति बौद्धजैनाः
सत् श्री अकालेति च सिख्खसन्तः ॥
शास्तेति केचित् प्रकृतिः कुमारः
स्वामीति मातेति पितेति भक्त्या ।
यं प्रार्थयन्ते जगदीशितारम्
स एक एव प्रभुरद्वितीयः॥