एतत् पृष्ठम् परिष्कृतम् अस्ति
206
[ अयोध्याकाण्ड:
भरतचित्रकूटयात्रा
अभिप्रायेण–सन्तरणाभिप्रायेण सह न्यवेशयत, गङ्गातीरे सुखमस्तीति नात्र द्वित्रदिनवासबुद्ध्या । तदेवाह-श्वः प्रतरिष्याम इति । इदानीं विश्रान्ता इत्यन्वयः ॥ २३ ॥
दातुं च तावदिच्छामि स्वर्गतस्य महीपतेः ।
और्ध्वदेहनिमित्तार्थं अवतीर्योदकं नदीम् ॥ २४ ॥
देहपातादूर्ध्वकाले प्राप्तं निमित्तं यस्य परलोकस्य सः ऊर्ध्वदेहनिमित्तः, स्वार्थिकोऽण्, ऊर्ध्वदेहनिमित्ताय-परलोकप्रयोजनाय इदं-और्ध्वदेहनिमित्तार्थम् ॥ २४ ॥
तस्यैवं ब्रुवतोऽमात्याः तथेत्युक्त्वा समाहिताः ।
न्यवेशयंस्तान् छन्देन स्वेन स्वेन पृथक् पृथक् ॥ २५ ॥
छन्दः - इच्छा ॥ २५ ॥
- ↑ निरीक्ष्यानुत्थितां च.
- ↑ अनुत्थितां— गमने अनुद्योगां-ति.गङ्गया निरोधादिति शेषः ।
- ↑ सर्व- ङ.
- ↑ अभिप्रायेण– तत्तदिच्छया-गो. 'अद्य विश्रान्ताः श्व: प्रतरिष्यामः' इत्यभिप्रायेण --मदभिप्रायज्ञापनेन निवेशयतेर्त्य:- ति. 'तस्यैवं ब्रुवतः' इत्याद्यनन्तरश्लोकपरिशीलने गोविन्दराजोक्तं स्वरसमिव ।
- ↑ सर्वश:- ङ.
- ↑ इदानीं महानदीम्-ङ, इमां सागरंगमाम्-च.