एतत् पृष्ठम् परिष्कृतम् अस्ति
202
[अयोध्याकाण्डः
भरतचित्रकूटयात्रा
त्र्यशीतितमः सर्गः
[भरतचित्रकूटयात्रा]
अथ सबलस्य भरतस्यागङ्गं प्रस्थानम् । तत इत्यादि काल्यमास्थाय- उषस्यनुष्ठानं कृत्वा, स्यन्दनोत्तमं चास्थाय ॥ १ ॥
कल्पितानि-सज्जितानि । यथाविधि- यथारुचि ॥ ३ ॥
षष्टी रथसहस्राणि धन्विनो विविधायुधाः ।
अन्वयुर्भरतं यान्तं राजपुत्रं यशस्विनम् ॥ ४ ॥
शतं सहस्राण्यश्वानां समारूढानि राघवम् ।
अन्वयुर्भरतं यान्तं सत्यसन्धं जितेन्द्रियम् ॥ ५ ॥
समारूढानि-सादिभिरिति शेषः ॥ ५ ॥
[५] कैकेयी च सुमित्रा च कौसल्या च यशखिनी । रामानयनसंहृष्टाः ययुर्यानेन [६]. भास्वता ॥ ६ ॥
- ↑ काव्यं - प्रातःकाले-ती. काल्यं -- अहर्मुखं प्राप्येति शेषः - गो.
- ↑ काम्यया-च.
- ↑ पुरोहिताः-च
- ↑ अत्र 'सर्वाणि' इत्यनुक्त्वा संख्याग्रहणात् नगरस्थगजेषु तावन्त एव प्रस्थिता इति ज्ञायत इति गोविन्दराजः ।
- ↑ अत्र कैकेय्याः प्रथमग्रहणात्, पश्चात्तापातिशयात् तस्याः त्वरातिशय: सूच्यत इव ।
- ↑ यानेनेत्येकवचनं प्रत्येकापेक्षया । सौहार्दादेकयानेनैव तिसॄणां गमनं वा-ति