८२ सर्गः]
201
सर्वं सज्जीचकाराथ सुमन्त्रो भरताज्ञया
तूर्णं समुत्थाय, सुमन्त्र ! गच्छ
बलस्य योगाय [१] बलप्रधानान् ।
[२]आनेतुमिच्छामि हि तं वनस्थं
प्रसाद्य रामं जगतो हिताय ॥ ३० ॥
योगाय- सम्मेलनाय | बले प्रधानान् आज्ञापयेति शेषः ॥ ३० ॥
स सूतपुत्रो भरतेन सम्यक्
आज्ञापितः संपरिपूर्णकामः ।
शशास सर्वान् प्रकृतिप्रधानान्
बलस्य मुख्यांश्च सुहृज्जनं च ॥ ३१ ॥
ततः समुत्थाय कुले कुले ते
राजन्यवैश्या [३] वृषलाश्च विप्राः ।
'अयूयुजन् [४]. उष्ट्ररथान् खरांश्च
नागान् हयांश्चैव कुलप्रसूतान् ॥ ३२ ॥
इत्यार्षे श्रीमद्रामायणे वाल्मीकीये अयोध्याकाण्डे द्व्यशीतितमः सर्गः
कुले कुले - गृहे गृहे, 'कुलं जनपदे गृहे'। कुलप्रसूतानिति ।
उत्तमानिति यावत् । संग (३७) मानः (?) सर्गः ॥ ३२ ॥
इति श्रीमद्रामायणामृतकतकटीकायां अयोध्याकाण्डे द्व्यशीतितमः सर्गः
- ↑ प्रधानशब्दः पुहिङ्गोऽप्यस्ति-गो. बलप्रधानान् गच्छ – उपसर्प । सेनायाः सेनान्याज्ञाधीनत्वादेवमुक्ति: ।
- ↑ आज्ञातु-ङ.
- ↑ नगरे च-ङ.
- ↑ उष्ट्रखरान् रथांश्च-ङ
