एतत् पृष्ठम् परिष्कृतम् अस्ति
८० सर्गः]
189
आगङ्गं संस्कृतो मार्गः सर्वसाधनपुष्कलः
परिखा इति । भित्त्यर्थं खाताः पर्यन्तप्रदेशा इत्यर्थः ।
इन्द्रनीलनिर्मिताः प्रतिमाः- चित्रप्रतिमाः येषु निवेशेषु ते तथा ।
रत्या प्रतोली' ॥ १८ ॥
प्रासादमालासंसक्ताः [१] सौधप्राकारसंवृताः ।
पताकाशोभिताः सर्वे सुनिर्मितमहापथाः ॥ १९ ॥
संसक्ताः – संयुक्ताः । 'सौधोऽस्त्री राजसदनम्' तदपेक्षितप्राकारेण संवृताः ॥ १९ ॥
वितर्दिभिरिवाकाशे विटङ्काग्रविमानकैः ।
समुच्छ्रितैर्निवेशास्ते बभ्रुः शक्रपुरोपमाः ॥ २० ॥
आकाशे वितर्दिभिरिव - धिष्ण्यैरिव स्थितैः । विटङ्काग्राणिकपोतपालिकायां तु विटङ्कं पुंनपुंसकम्'–परितः अग्रदेशे विटङ्कवन्ति विमानानि-सप्तभूमिकाः प्रासादास्तथा । उपलक्षिता इति शेषः ॥ २० ॥
