एतत् पृष्ठम् परिष्कृतम् अस्ति
180
[अयोध्याकाण्ड:
रामानयनोद्यम:
अपि तु तस्य वनवासं प्रति सङ्गत्या-पितुराज्ञासंगमात्,
तव च राज्यं प्रति पित्राज्ञासंगमात्, पित्राज्ञाया उभाभ्यामपि
कर्तव्यत्वात्, अतः पितुराज्ञामूलतो राजतायां भवान् नापरोध्नोति-
धर्मविरोधं ज्येष्ठविरोघं लोकविरोधं च न प्राप्नोति । अता न्यायत
एव त्वयि राजनि सति एतद्राज्यं चाराजकं सत् नापराध्नोति--न
नश्यति । बहुवदति सङ्गत्येत्यत्रान्यः [१] , न तत् किमपि सङ्गतं
पश्यामः ॥ ३ ॥
आभिषेचनिकं सर्वमिदमादाय, राघव !
प्रतीक्षते त्वां स्वजनः श्रेणयश्च, नृपात्मज ! ॥ ४ ॥
आभिषेचनिकं - अभिषेकप्रयोजनं पदार्थजातं, रामाभिषेकविषयकं, 'तत्प्रयोजनम्' इति ठक् । स्वजन इति -- स्वकीयमन्त्रिपुरोहितादयः । श्रेणयः -पौराः ॥ ४ ॥
भाण्डं---उपकरणम् ॥ ६॥
- ↑ महेश्वरतीर्थः, गोविन्दराजो वा ।
- ↑ एतदनन्तरं - ’एवमुक्तः शुभं वाक्यं द्युतिमान् सत्यवाक् शुचिः’ इत्यधिकं - ङ.
- ↑ 'सर्वमिदमादाय’ इत्यनुपदमुक्तया तैस्तत्रैवानीतं सर्वमिति गम्यते ।
- ↑ एतदर्धस्थाने ’भरत: स्वं जनं सर्वं सरोषमभिवीक्ष्य च । क्षणं विधाय कर्णौ स: प्रत्युवाच धृतव्रतः इत्यर्धद्वयं दृश्यते-ङ.
- ↑ दृढव्रतः - ङ.