शोभयन् दण्डकारण्यं दीप्तेन खेन तेजसा ।
अदृश्यत [१] ततो रामः बालचन्द्र इवोदितः ।। १५ ।।
अजातव्यञ्जनः इति । श्रु दिपुंस्त्वचिह्नप्रादुर्भावरहितः इत्यर्थः । एकवस्त्रधर इति । कच्छबन्धवस्त्रमः त्रघर इत्यर्थः । १४-१५॥
दत्तबंर इति । ब्रह्मदत्तदेवासुरावध्यत्ववर इत्यर्थः ।। १६ ।।
[५] तेन दृष्टः प्रविष्टोऽहं सहसैवोद्यतायुधः ।
मां तु दृष्ट्वा धनुः सज्यं असंभ्रान्तश्चकार सः ।। १७ ।।
[६]अवजाननहं मोहात् बालोऽयमिति राघवम् ।
विश्वामित्रस्य तां वेदिं अभ्यधावं कृतत्वरः ॥ १८ ।।
तेन मुक्त [७]स्ततो बाणः शितः शत्रनिबर्हणः ।
तेनाहं [८]त्वाहतः क्षिप्तः समुद्रे शतयोजने ।। १९ ।।
[९] नेच्छता, तात! मां हन्तुं तदा वीरेण रक्षितः ।
रामस्य शरवेगेन निरस्तो[१०] हमचेतनः ॥ २० ॥
पातितोऽहं तदा तेन गम्भीरे सागराम्भसि ।
प्राप्य संज्ञां चिरात्, तात ! लङ्कां प्रतिगतः पुरीम् ॥ २१ ॥
- ↑ तदा-ज.
- ↑ भूषणः-ड..
- ↑ आजगामेत्युत्तमः पुरुषः ।अत्र लिट्प्रयोगः दीर्घकालिकत्वेन परोक्षत्वारोपात्-रा
- ↑ आगतोऽस्मि-ड..
- ↑ तदाश्रमं प्रविष्टः अहं तेन दृष्ट इत्यन्वयः ।
- ↑ अवज्ञानादहं-ड
- ↑ सदा-ङ,
- ↑ ताडित:- ज.
- ↑ एतच्च रक्षणं केवलं कृपाजन्यमिति मारांचाशय: । भाविकार्यार्थमिति वस्तुतस्त्रम्-ति.अनिच्छाहेतुर्न ज्ञायते, स्वयं तु सन्तुं प्तमर्थ एवेति भावः । अचेतनः - निश्रेष्टः मूछँतो वा-गो.
- ↑ भ्रान्तचेतन:- ज.