178
[अयोध्याकाण्ड:
कुब्जापरिभवः
तीव्रमुत्पादितं दुःखं भ्रातृणां मे तथा पितुः ।
यया सेयं नृशंसस्य कर्मणः फलमश्नुताम् ॥ ११ ॥
अश्रुतां- — तथा कर्तव्यं मयेति शेषः ॥ ११ ॥
एवमुक्त्वा तु तेनाशु सखीजनसमावृता ।
गृहीता बलवत् कुब्जा सा तद्गृहमनादयत् ॥ १२ ॥
ततः सुभृश[१] सन्त्रस्तः तस्याः सर्वः सखीजनः ।
क्रुद्धमाज्ञाय शत्रुघ्नं विपलायत सर्वशः ॥ १३ ॥
[२][३] आमन्त्रयत कृत्स्नश्च तस्याः सर्वः सखीजनः ।
यथाऽयं समुपक्रान्तः निश्शेषान्नः करिष्यति ॥ १४ ॥
समुपक्रान्तः —संप्राप्तः ॥ १४ ॥
सानुक्रोशां [४]वदान्यां च धर्मज्ञां च यशस्विनीम् ।
कौसल्यां शरणं याम सा हि [५] नोऽस्तु ध्रुवा गतिः ॥ १५ ॥
सा हि नः - अस्माकं ध्रुवा गतिरिति तां शरणं जग्मुरिति
शेषः ॥ १५ ॥
स च रोषेण ताम्राक्ष: शत्रुघ्नः शत्रु[६]तापनः ।
विचकर्ष तदा कुब्जां क्रोशन्तीं पृथिवीतले ॥ १६ ॥
पृथिवीतले, पातयित्वेति शेषः ॥ १६ ॥
- ↑ सन्तप्तः-ङ.
- ↑ आमन्त्रयत – अन्योन्यमाह्वयत्-गो.
- ↑ अमन्त्रयत- ङ.
- ↑ वदान्यां-वल्गुवाचं, 'वदान्यो वल्गुवागपि' इति वैजयन्ती - गो. उदारामिति वा ।
- ↑ नोऽस्ति-ङ.
- ↑ शासन:-ङ.