एतत् पृष्ठम् परिष्कृतम् अस्ति
118
[अयोध्या काण्डः
अयोध्याप्रवेशः
श्रुतो नो यादृशाः पूर्वं नृपतीनां विनाशने ॥ ३५ ॥
आकारांस्तानहं सर्वान् इह पश्यामि, सारथे !
श्रुता इति । कथास्विति शेषः ॥ ३५ ॥
सम्मार्जनविहीनानीत्यादिकं कुटुम्बिभवनविशेषणम् । असंयतकवाटानि, अनासीनकुटुम्बानीति वक्ष्यमाणत्वात् द्वारसंयन्तारो न सन्ति । धूपसम्मोदनेन - परिमलेन च विहीनानीत्यनुकर्षः । प्रभाहीनेति । शोभाहीनेति यावत् । अलक्ष्मीकानीति, विचित्रध्वजतोरणाद्यभावात् ॥
अपेतमाल्यशोभान्यप्यसम्मृष्टाजिराणि च ।
देवागाराणि शून्यानि न चाभान्ति यथापुरम् ॥ ३९ ॥
अजिरं-' अङ्गणं चत्वराजिरे' ॥ ३९ ॥