महाभारतम्
पञ्चमपर्व
महाभारतम्-05-उद्योगपर्व-174
वेदव्यासः

महाभारतस्य पर्वाणि

भीष्मेण विचित्रवीर्यस्य कन्यात्रयेण विवाहप्रयतने अम्बया स्वस्य साल्वकामत्वकथनपूर्वकं तत्समीपगमने भीष्मंप्रत्यनुज्ञायाचनम् ।। 1 ।।

भीष्म उवाच।	5-174-1x
ततोऽहं भरतश्रेष्ठ मातरं वीरमातरम् । अभिगम्योपसंगृह्य दाशेयीमिदमब्रुवम् ।।	5-174-1a 5-174-1b
इमाः काशिपतेः कन्या मया निर्जित्य पार्थिवान् । विचित्रवीर्यस्य कृते वीर्यशुल्का हृता इति ।।	5-174-2a 5-174-2b
ततो मूर्धन्युपाघ्राय पर्यश्रुनयना नृप। आह सत्यवती हृष्टा दिष्ट्या पुत्र जितं त्वया ।।	5-174-3a 5-174-3b
सत्यवत्यास्त्वनुमते विवाहे समुपस्थिते। उवाच वाक्यं सव्रीडा ज्येष्ठा काशिपतेः सुता ।।	5-174-4a 5-174-4b
भीष्म त्वमसि धर्मज्ञः सर्वशास्त्रविशारदः । श्रुत्वा च वचनं धर्म्यं मह्यं कर्तुमिहार्हसि ।।	5-174-5a 5-174-5b
मया साल्वपत्तिः पूर्वं मनसाऽभिवृतो वरः। तेन चास्मि वृता पूर्वं रहस्यविदिते पितुः ।।	5-174-6a 5-174-6b
कथं मामन्यकामां त्वं राजधर्ममतीत्य वै । वासयेथा गृहे भीष्म कौरवः सन्विशेषतः ।।	5-174-7a 5-174-7b
एतद्बुद्ध्या विनिश्चित्य मनसा भरतर्षभ । यत्क्षमं ते महाबाहो तदिहारब्धुमर्हसि ।।	5-174-8a 5-174-8b
स मां प्रतीक्षते व्यक्तं साल्वराजो विशांपते । तस्मान्मां त्वं कुरुश्रेष्ठ समनुज्ञातुमर्हसि ।।	5-174-9a 5-174-9b
कृपां कुरु महाबाहो मयि धर्मभृतां वर। त्वं हि सत्यव्रतो वीर पृथिव्यामिति नः श्रुतम् ।।	5-174-10a 5-174-10b
।। इति श्रीमन्महाभारते उद्योगपर्वणि अम्बोपाख्यनपर्वणि चतुःसप्तत्यधिकशततमोऽध्यायः ।।

[सम्पाद्यताम्]

5-174-1 उपसंगृह्य पादयोः पतित्वा।। 5-175-5 मह्यं मम ।।

उद्योगपर्व-173

पुटाग्रे अल्लिखितम्।

उद्योगपर्व-175