स्वर्गोऽस्त्विति । एवंमदृश्यान्यथनावाक्शिरोऽवस्थानस्यैवात्रैव दक्षिणस्यां दिशि स्वर्गोऽस्तु-सुखानुभवोऽस्तु । ‘यन्न दुःखेन सम्भिन्नम्' इत्यादिना सुखविशेष एव स्वर्गशब्दार्थ:; उपचारात्त- त्साधनलोकादिश्च ॥ २८ ॥
यावल्लोका धरिष्यन्ति तिष्ठन्त्वेतानि सर्वशः ॥ २९ ॥
मत्कृतानि सुराः सर्वे तदनुज्ञातुमर्हथ ।
यावल्लोका धरिष्यन्तीति । भूरादिलोका यथास्थानं सनातन- ध्रुवादिज्योतिश्चक्रं यावद्धारयन्ति तावदेतान्यपि नक्षत्राणि भगवद्विग्रहे घृतानि सन्ति मत्कृतानि तिष्ठन्त्विति तदेतन्मे प्रार्थनं अनुज्ञातुमर्हथ ॥
एवमुक्ताः सुरास्सर्वे प्रत्यूचुर्मुनिपुङ्गवम् ॥ ३० ॥
अथ तत्प्रार्थनानुमतिः-एवमुक्ता इत्यादि ॥ ३० ॥
एवं भवतु, भद्रं ते, तिष्ठन्त्वेतानि सर्वशः ।
गगने[१]तान्यनेकानि वैश्वानरपथाद्वहिः ॥ ३१ ॥
नक्षत्राणि, मुनिश्रेष्ठ ! तेषु ज्योतिष्षु जाज्वलन् ।
अवाक्छिरास्त्रिशङ्कुश्च तिष्ठत्वमरसन्निभः ॥ ३२ ॥
सर्वशः-सर्वाणि अनेकानि तानि नक्षत्राणि वैश्वानरपथात्वैश्वानरज्योतिःप्रसिद्धाऽनादिज्योतिश्चक्रमार्गात् बहिः तदुचितप्रदेशे तिष्ठन्तु । तेषु त्वदीयेषु ज्योतिष्षु जाज्वलन्-भृशं ज्वलन अवाक्छिरा एव अमरसन्निभः-[२]अमरतुल्यः तिष्ठतु ॥ ३२॥
