ऋत्विजः--यज्ञकर्माणि वृताः । पुरोहितः - सर्वहितप्रवर्तकः,
तथा ह्याहुः -' त्रय्यां च धर्मकृत्ये च शान्तिकर्मणि पौष्टिके। अध्वरे
यश्च कुशलः स स्यात् राजपुरोहितः' इति । उपनीय वेदाध्यापका
आचार्याः, 'उपनीय वदेद्वेदमाचार्यः स उदाहृतः’ ॥ १० ॥
ये त्वग्नयो नरेन्द्रस्य चाग्न्यगारात् बहिष्कृताः।
ऋत्विग्भिर्याजकैश्चैव [१] ते हियन्त यथाविधि ॥ ११ ॥
अग्न्यगारात् बहिष्कृता इति । अन्तश्शावत्वात् बहिःप्रदेशे प्रतिष्ठापिताः सन्तः ये, याजकैः- उपदेष्टृभिः ऋत्विभिश्च यथाविधि ह्रियन्ते स्म ॥ ११ ॥
शिबिकायामथारोप्य राजानं गतचेतनम् ।
बाष्पकण्ठा विमनसः तमूहुः परिचारकाः ॥ १२॥
हिरण्यं च सुवर्णं च वासांसि विविधानि च ।
प्रकिरन्तो जना मार्गं नृपतेरग्रतो ययुः ॥ १३ ॥
हिरण्यं-रजतं, तत्कृतपुष्पमिति यावत् । तथा सुवर्णमित्यपि ॥
निर्यास:- गुग्गुल्यादि, तज्जधूम इति यावत् । धूमः-देव- दारुभेदः, चन्दनादिवत् धूपाङ्गः । पद्मकमपि धूपाङ्गं काष्ठविशेषः । देवदारुः - प्रसिद्धः । क्षेपयन्तीति । धूपार्थमग्नाविति शेषः ॥ १४ ॥