ततः प्रास्थानिकं कृत्वा कार्यशेषमनन्तरम् ।
[१]वसिष्ठेनाभ्यनुज्ञाताः दूताः सन्त्वरिता ययुः ॥ ११ ॥
प्रास्थानिकं-प्रस्थानप्रयोजनं कार्यशेषं विशिष्टपाथेयादिसंपादनलक्षणम् ॥ ११ ॥
न्यन्तेनेति । अपरतालस्य-तदाख्यस्य गिरेः न्यन्तेन-पश्चिमभागेन गत्वा, अथ प्रलम्बस्य-तदाख्यस्य उत्तरं-उत्तरप्रदेशं प्रति गत्वा, अथ मालिनीं नदीं मध्येनातीत्य तामुत्तरमागतो निषेवमाणास्सन्तः जग्मुः ॥
ते हस्तिनपुरे गङ्गामित्यादि । प्रत्यक् - उदीचीं दिशं यान्तः ते पाञ्चालदेशमासाद्य तत्र हिमवत आग्नेयदिङ्मुखप्रवाहां गङ्गां हस्तिन पुरसमीपे तीर्त्वा प्रत्यङ्मुखाः सन्तः मध्येन [६] कुरुजाङ्गलं- जाङ्गलं- निर्जलप्रदेशा:- कुरुदेशैकदेशवर्तिजाङ्गलस्तथा--कुरुजाङ्गलस्य मध्यमार्गमाश्रित्येत्यर्थः; 'एनपा द्वितीया ' इति द्वितीया जाङ्गलशब्दात् ॥
सरांसि च सुपूर्णानि नदीश्च विमलोदकाः ।
निरीक्षमाणास्ते जग्मुः दूताः कार्यवशात् द्रुतम् ॥ १४ ॥
