एतत् पृष्ठम् परिष्कृतम् अस्ति
74
[अयोध्याकाण्ड:
अन्तः पुराक्रन्दः
मङ्गलार्थं आलंभनीयानि - स्पर्शनीयानि गवादीनि, 'आलंभः स्पर्शहिंसयोः ' । प्राशनीयानि - गङ्गोदकतुलसीतीर्थादीनि । उपस्कराः-दर्पणवस्त्राभरणादयः । कुमारीबहुलाः स्त्रिय इति । वारयोषित इति यावत् ॥ ९ ॥
सर्वलक्षणसंपन्नं सर्वं विधिवदर्चितम् ।
सर्वं सुगुणलक्ष्मीवत् तत् बभूवाभिहारिकम् ॥ १० ॥
आभिहारिकं- राज्ञे प्रातर्यदभिहर्तव्यं - मङ्गलार्थमानेतव्यं तत्सर्वं सर्वलक्षणसंपन्नत्वादिधर्मकं बभूव । सुगुणं च तत् लक्ष्मीवच्च-तथा ॥
तत्तु - उक्ताभिहारिकं तु । परिसमुत्सुकमिति । राजदर्शनं प्रतीति शेषः । अनुपसंप्राप्तं - अप्राप्तराजदर्शनमित्यर्थः । अत एव, किं स्वित्- इत्यभिशङ्कितञ्च ॥ ११ ॥
अथ याः कौसलेन्द्रस्य शयनं प्रत्यनन्तराः ।
ताः स्त्रियस्तु समागम्य भर्तारं प्रत्यबोधयन् ॥ १२ ॥
अनन्तरा:- आसन्ना इति यावत् ॥ १२ ॥
- ↑ मङ्गलरूपानुलेपनानि तैलोद्वर्तनादीनि, प्राशनीयानि-दन्तधावनानन्तरं गण्डूषत्वेन प्राशनीयानि, संपिष्टतिलनारिकेलजीरकादिद्रव्याणि ओषघिविशेषानिति वाऽर्थः-गो.
- ↑ स्त्रिय इति द्वितीया - गो.
- ↑ तत्तु-परिजनजातं-गो.
- ↑ अनुपसंप्राप्तं-अनागतं राजानं प्रति-ती. एवं परिवारगणः स्वस्वसेवायै सन्नद्धः राजानं प्रतीक्षन्नासीत् ।
राजा तु नाजगाम यथापूर्वम् । अतः शङ्का समजनि । राजानं सृष्टा बोधयितुं तु
नैषामर्हता । उत्तरश्लोके 'भर्तारं प्रत्यबोधयन्' इति कथनात् ।
