३५ सर्गः]
245
पश्यन् ययौ शुभान् लोकान् वतानि च नदीर्गिरीन्
[१]अगरूणां च मुख्यानां वनान्युपवनानि च ।
तकोलानां च जात्यानां [२]फलिनां च सुगन्धिनाम् ॥
पुष्पाणि च तमालस्य गुल्मानि मरिचस्य च ।
मुक्तानां च समूहानि शुष्यमाणानि तीरतः ॥ २३
निर्यासरूपो रसः – निर्यासरसः तस्य मूलानि - उपादानभूतानि
गुग्गुलादिवृक्षाः, तेषां चन्दनानां च वनानि सहस्रशः पश्यन् ।
जात्यानां उत्तमतक्कोलवृक्षभवानां फलिनां प्रशस्तफलवतां ॥ २३ ॥
[३][४] शङ्खानां प्रस्तर चैव प्रवालनिचयं तथा ।
काञ्चनानि च [५]शैलानि राजतानि च सर्वशः ॥ २४ ॥
शैलानीति समूहार्थे । शिलावृन्दानीत्यर्थः ॥ २४ ॥
प्रस्रवाणि मनोज्ञानि प्रसन्नानि [६].हृदानि च ।
धनधान्योपपन्नानि स्त्रीरलैः शोभितानि च ॥ २५ ॥
हस्त्यश्वरथगाढानि नगराण्यवलोकयन् ।
प्रस्रवाणि - निर्झराः ॥ २५ ॥
तं समं सर्वतः स्निग्धं मृदुसंस्पर्शमारुतम् ॥ २६ ॥
+ [७] [८]अनूपं सिन्धुराजस्य ददर्श त्रिदिवोपामम् ।
समं - समभूतलम् ॥ २६ ॥
तत्रापश्यत् स मेघाभं न्यग्रोधमृषिभिर्वृतम् ॥ २७ ॥
- ↑ अंकोलानां च ङ. ज.
- ↑ फिलानां-ज.पलाशानां - ङ.
- ↑ शैलानीति नपुंसकत्वमार्षम् ।
- ↑ शैलानि प्रवरांश्चैव-ज.
- ↑ शृङ्गाणि-ज.
- ↑ अद्भुतानि च - ज
- ↑ अनूपे-ज.
- ↑ एवं बहुधा सागरान्पवर्णनं पुनः बहुदूरमार्गगमनप्रयासेन मारीचोपदेशानिवर्त्याध्यवासायविशेषं व्यञ्जयितुम्-गो.
