एतत् पृष्ठम् अपरिष्कृतम् अस्ति
२६ सर्ग:]
189
रक्षसां चाहनत् रामः सहस्राणि चतुर्दश
तैर्भिन्नवर्माभरणाः छिन्नभिन्नशरासनाः ।
निपेतुः शोणितादिग्धाः धरण्यां रजनीचराः ॥ ३२ ॥
शोणितेनादिग्धाः-आलिप्ताः तथा ॥ ३२ ॥
तैर्मुक्तकेशैः समरे पतितैः शोणितोक्षितैः ।
आस्तीर्णा वसुधा कृत्स्ना महावेदिः कुशैरिव ॥ ३३ ॥
महावेदि:- महायागवेदिः ॥ ३३ ॥
क्षणेन तु महाघोरं वनं निहतराक्षसम् ।
बभूव निरयप्रख्यं मांसशोणितकर्दमम् ॥ ३४ ॥
चतुर्दशसहस्राणि रक्षसां [१]भीमकर्मणाम् ।
इतान्येकेन रामेण [२] मानुषेण पदातिना || ३५ ।।
तस्य सैन्यस्य सर्वस्य खरः शेषो महारथः ।
राक्षसः त्रिशिराश्चैव रामश्च रिपुसूदनः ।। ३६ ।।
शेषा हता [३] महासत्वाः राक्षसाः [४] रणमूर्धनि ।
घोरा दुर्विषहाः स सर्वे लक्ष्मणस्याग्रजेन ते ॥ ३७॥