अथ संभावितमरिं स्वयमेव निश्चित्याह - न हीत्यादिना ॥ ७ ॥
अद्याहं मार्गणैः प्राणान् आदास्ये जीवितान्तकैः ।
सलिले क्षीरमासक्तं निष्पिबन्निव सारसः ॥ ८ ॥
तृपया निष्पिचन् सारसो हंसः सलिले मासक्तं संबद्धं क्षीरमिव प्राणानादाम्ये इत्यन्वयः ॥ ८ ॥
निहतस्य मया संख्ये शरसंकृत्तमर्मणः ।
सफेनं रुधिरं रक्तं मेदिनी कस्य पास्वति ॥ ९ ॥
शरेण संकृतानि मर्माणि यस्य स तथा । सफेनमिति - प्राणवियोगकालप्रवृत्तफेनसहितं, अपि च कर्णकर्तनक्षणे दीर्घघारं रक्तं सफेनं सोष्णं च भवति । रक्तं -' रञ्ज रोग ' निष्ठा । अनिदिवां' इति नलोपः । भुवि सक्त्ं इत्यर्थः ॥ ९ ॥
कस्य [३]पत्ररथाः कायात् मांसमुत्कृत्य सङ्गताः ।
प्रहृष्टा भक्षयिष्यन्ति निहतस्य मया रणे ।। १० ।।
सङ्गताः- परस्परसमेताः ।। १० ।।
तं न देवा न गन्धर्वा न पिशाचाः न राक्षसाः ।
[४] मयाऽपकृष्टं कृपणं शक्तास्त्रातुमिहाहवे ॥ ११ ॥
